ზუგდიდის მუნიციპალიტეტის ტერიტორიაზე რეგისტრირებული, მძიმე სოციალურ მდგომარეობაში მყოფი მოქალაქეებისთვის უფასო სასადილოს კვლავ ინდმეწარმე თემურ ქვარცხავა ხელმძღვანელობს. მან გვითხრა, რომ ტენდერში მასთან ერთად კომპანია “მანიბა” ღებულობდა მონაწილეობას. თუმცა, როგორც თემურ ქვარცხავამ გვითხრა, მან ვერ დააკმაყოფილა სატენდერო მოთხოვნები, წელსაც ის მოემსახურება სასადილოს.
უფასო სასადილოს კვების რაციონში ცვლილებებია. ულუფას დაემატა ფუნთუშა, არაჟანი, ყველი, პიურე და კაკაო. “მენიუ უფრო მრავალფეროვანი გავხადეთ. ორშაბათს ბენეფიციარებს შეუძლიათ მიირთვან ფუნთუშა, ბორში არაჟანთან, პარასკევს კი მენიუს დაემატება ყველი. ყოველდღიურად, ადგილზე, აქ, დაახლოებით 15 ადამიანი სადილობს.”-გვითხრა მზარეულმა მანანა ლომაიამ.
ადრე, უფასო სასადილოს ბენეფიციარებმა საპროტესტო აქცია გამართეს. ისინი ამბობდნენ, რომ თუ ტენდერში სხვა კომპანია გაიმარჯვებდა, აქ არ შემოუშვებდნენ.
ამჟამად, უფასო სასადილოში 250 ბენეფიციარი ირიცხება. სასადილო 11.00-საათიდან 14.00- საათამდე მუშაობს.