ჯანდაცვის მინისტრმა რუხის საავადმყოფო გახსნა


  • ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ, სამეგრელო-ზემო სვანეთის სახელმწიფო რწმუნებულთან ერთად რუხის საავადმყოფო დაათვალიერა. ეკატერინე ტიკარაძის თქმით, ამ ეტაპზე სამედიცინო დაწესებულებაში 35 ექიმია მობილიზირებული და სამედიცინო დაწესებულებას ამ დროისთვის 72 პაციენტის მიღება შეუძლია, მათგან 14 რთულის ან გართულებულის.

“ამ ეტაპზე, კლინიკას აქვს რესურსი, მიიღოს 72 პაციენტი, მათ შორის, 14 რთული ან გართულებული მდგომარეობით. ჩვენ კიდევ გავაძლიერებთ რუხის საავადმყოფოს იმ შესაძლებლობებს, რომლებიც მას აქვს და ეტაპობრივად მოხდება ამ რიცხვების გაორმაგება. შემდეგ ჩვენ ავალთ რუხის საავადმყოფოს სრულ მოცულობაზე, რომელიც არის 220 საწოლზე გაშლილი მულტიპროფილური საავადმყოფო და იგი სრულად ჩაერთვება კოვიდინფექციის მართვაში”, – განაცხადა ჯანდაცვის მინისტრმა.

სახელმწიფო რწმუნებულის განცხადებით, რუხის საავადმყოფო მოემსახურება საოკუპაციო ხაზის ორივე მხარეს მყოფ მოქალაქეებს. ალექსანდრე მოწერელიას განმარტებით, დაწესებულება მზადაა მიიღოს ყველა ის მოქალაქე ვინც ოკუპირბეულ აფხაზეთში ცხოვრობს და დასჭირდება სამედიცინო დახმარება.

მომავალში კლინიკა საუნივერსიტეტო ფუნქციის შესრულებასაც შეძლებს. ადგილზე არსებობს აუდიტორიების, ბიბლიოთეკისა და სპორტულ-გამაჯანსაღებელი ინფრასტრუქტურისთვის საჭირო სივრცე. რუხის მრავალპროფილური სამედიცინო კლინიკის პროექტი სახელმწიფო ბიუჯეტიდან 41 მლნ ლარით დაფინანსდა. სამშენებლო სამუშაოები რეგიონული განვითარებისა და ინფრასტრუქტურის სამინისტრომ განახორციელა.


კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.

ძვირფასო ზუგდიდელებო, ზუგდიდის სტუმრებო და მეგობრებო

ჩვენი ფეისბუქ გვერდი უკვე 14 000 ადამიანმა გამოიწერა. შემოგვიერთდით თქვენც, აქ იდება ყოველდღიური სიახლეები, საინტერესო და საოცარი ამბები. გელოდებით, ჩვენ თქვენი მხარდაჭერა გვჭირდება! მადლობა და შეხვედრამდე!