ცენტრალური ბიბლიოთეკის დარბაზში, ზუგდიდის მუნიციპალიტეტის ა(ა)იპ ,,ბიბლიოთეკების მართვის ცენტრი“-სა და ზუგდიდის დადიანების მუზეუმის ერთობლივი პროექტის ,,ხან მიწისა ვარ, ხან ცისა“ფარგლებში გამოფენა გაიმართა.
ღონისძიებაზე დადიანების სასახლეთა ისტორიულ-არქიტექტურული მუზეუმში დაცული აკაკი წერეთლის ხელნაწერები და ის ფოტოები წარმოადგინეს, რაც მწერლის სამეგრელოში სტუმრობასა და სამკითხველოს გახსნას უკავშირდება. დასასრულს ,,ოქროს ფონდში“ დაცული ფილმის ,,აკაკის მოგზაურუბა რაჭა-ლეჩხუმში“ ჩვენება გაიმართა. გამოფენა მიეძღვნა აკაკის გარდაცვალების დღეს.
ღონისძიებას ზუგდიდის მუნიციპალიტეტის მერიის განათლების, ძეგლთა დაცვის, კულტურის, სპორტის და ახალგაზრდულ საქმეთა სამსახურის წარმომადგენლები, სკოლის მოსწავლეები, პედაგოგები ესწრებოდნენ.