- დღეს, ზუგდიდის მუნიციპალიტეტის ბიბლიოთეკის მართვის ცენტრისა და ზუგდიდისა და ცაიშის ეპარქიის ახალგაზრდობის, სულიერი და ინტელექტუალური განვითარების ცენტრის ორგანიზებით, ბიბლიოთეკის სამკითხველო დარბაზში პროექტის “წარმოაჩინე ახალგაზრდა პოეტები”- ფარგლებში, ჩატარდა დემეტრე ზარქუასა და დათო ფიფიას პოეზიის საღამო.
პროექტში აქტიურად მონაწილეობისათვის ზუგდიდის მუნიციპალიტეტის ბიბლიოთეკის მართვის ცენტრის დირექტორმა მადონა მაქაცარიამ და ზუგდიდისა და ცაიშის ეპარქიის ახალგაზრდობის, სულიერი და ინტელექტუალური განვითარების ცენტრის დირექტორმა გიორგი ფიფიამ ახალგაზრდა ნიჭიერ პოეტებს მადლობის სიგელები გადასცეს.
ღონისძიებას ესწრებოდნენ ადგილობრივი ხელისუფლების წარმომადგენლები, ახალგაზრდა პოეტები და მოწვეული სტუმრები.
პროექტის “წარმოაჩინე ახალგაზრდა პოეტები” -ის ფარგლებში ყოველი თვის ბოლო კვირას გაიმართება მსგავსი საღამოები.