- ზუგდიდის საოლქო საარჩევო კომისიის თავმჯდომარე მირანდა მესხი, პროექტის “საარჩევნო ადმინისტრატორის კურსები” ფარგლებში, მართავს შეხვედრებს საუბნო საარჩევნო კომისიის პოტენციურ წევრებთნ იმ საარჩევნო ტექნოლოგიების დეტალებზე და ცვლილებებზე, რომელიც 2024 წლის ოქტომბრის საპარლამენტო არჩევნებზე კანონმდებლობით განხორციელდება.
მირანდა მესხი, “ზუგდიდელებთან” ამბობს, რომ პროექტი “საარჩევნო ადმინისტრატორის კურსები” აგებულია ახალ საარჩევნო ტექნოლოგიებზე. პროექტის ფარგლებში, შეხვედრის მონაწილეები-საუბნო საარჩევნო კომისიის პოტენციური საკადრო რესურსი, დეტალურ ინფორმაციას მიიღებს კანონმდებლობით გათვალისწინებულ ტექნოლოგიურ სიახლეებზე და იმავდროულად, ადგილზე, გაივლის პრაქტიკულ მოდელირებას არჩევნებისთვის წარმოდგენილ აპარატებზე.