- ზუგდიდში, ქალაქის შესასვლელში, ცენტრალურ მოედანზე,ნიშნად ყოვლადწმინდა ღვთისმშობლის საქართველოს წილხვდომილობისა და მადლიერებად ქართველი ერისა, იგეგმება ყოვლადწმინდა ღვთისმშობლის მოზაიკური ნიშის აღმართვა. 20 თებერვალს,18 საათზე, მოსწავლე ახალგაზრდობის სასახლეში ჩატარდება ამ პროექტის წარდგენა.
ამ თემაზე, ისაუბრა ზუგდიდისა და ცაიშის ეპარქიის მღვდელმთავარმა, მეუფე გერასიმემ, მირქმის დღესასწაულზე, ვლაქერნის ღვთისმშობლის ხატის ტაძარში აღვლენილი წირვის შემდეგ, ქადაგებისას და მან მოუწოდა მრევლს 20 თებერვალს, მობრძანდნენ სასახლეში და დაესწრონ ღვთისმშობლის მოზაიკური პანოს პროექტის წარდგინებას. მღვდელმთავარმა განმარტა, რომ წარმოდგენილი იყო რამდენიმე ესკიზი, მაგრამ არჩევანი გაკეთდა ერთ–ერთ მათგანზე, ღვთისმშობლის მოზაიკურ პანოზე, რომელიც თავად პატრიარქის რჩეული ესკიზია.