- დღეს, დადიანების სასახლეთა ისტორიულ-არქიტექტურული მუზეუმის, უფლისწულ ნიკო დადიანის სასახლის სამეჯლისო დარბაზში, გაიმართა ღონისძიება “ქართული კალიგრაფია – 2024“.
ღონისძიება ჩატარდა, ზუგდიდისა და ცაიშის ეპარქიის ახალგაზრდობის, განათლებისა და კულტურის ცენტრის მხარდაჭერით, ზუგდიდისა და ცაიშის მიტროპოლიტ გერასიმეს ლოცვა კურთხევით საგანმანათლებლო ცენტრის „მამული, ენა, სარწმუნოება“-ს მიერ.
ღონისძიებას ესწრებოდნენ ზუგდიდის სასწავლო უნივერსიტეტისა და პროფესიული კოლეჯის პროფესურა, ზუგდიდისა და წალენჯიხის ზოგადსაგანმანათლებლო სკოლების დირექტორები, ფაზისის აკადემიის წევრები და მოწვეული სტუმრები კულტურის და განათლების სამინისტროდან.
„ქართული კალიგრაფია – 2024“ ღონისძიების ფარგლებში, 23 იანვრიდან 14 აპრილამდე ზუგდიდისა და წალენჯიხის ეპარქიის მასშტაბით გაიმართება ქართული კალიგრაფიის კონკურსი, სადაც მონაწილეობის მიღება შეეძლებათ ნებისმიერ მსურველებს. კონკურსში გამარჯვებულები გამოვლინდებიან დედაენის დღეს, 14 აპრილის საზეიმო ღონისძიებაზე.