- დადიანების ისტორიულ-არქიტექტურულ მუზეუმში, უფლისწულ ნიკო დადიანის სასახლეში, გაიმართა გამოფენა „ქართული-აფხაზური კულტურული მემკვიდრეობა ზუგდიდში“, რომელიც ასოციაციის „იმედი“ დევნილ ქალთა მოძრაობა მშვიდობისათვის ინიციატივით მოეწყო.
ღონისძიების მიზანი იყო ქართულ-აფხაზური კულტურის, როგორც საქართველოს განუყოფელი კულტურული მემკვიდრეობის წარმოჩენა და პოპულარიზაცია. გამოფენაზე წარმოდგენილი იყო უნიკალური ექსპონატები მუზეუმის ფონდებიდან, მათ შორის:
XI-X საუკუნეების კოლხური ცული, აღმოჩენილი აფხაზეთის ტერიტორიაზე, სოფელ თაგილონში.
დიმიტრი და გიორგი შერვაშიძეების ხელნაწერები.
აფხაზური მუსიკალური საკრავი – აფხიარცა.
უნიკალური ფოტომასალა, მათ შორის სოხუმის ხედები, გადაღებული პირველი ფერადი ფოტოების ავტორის, სერგეი პროკუდინ-გორსკის მიერ.
ღონისძიებაში მონაწილეობდნენ ზუგდიდის აფხაზეთის სკოლის მოსწავლეები (აფხაზეთის #1, #11, #12, #14, #15) და ზუგდიდის მუსიკალური სკოლის აღსაზრდელები, რომლებმაც სტუმრებს მუსიკალურ-ლიტერატურული კომპოზიცია წარუდგინეს.
გამოფენა აფხაზეთის მთავრობის და აფხაზეთის კულტურის, სპორტის და ახალგაზრდული საქმეების სააგენტოს ქვეპროგრამის „კულტურული ინიციატივები“ ფარგლებში დაფინანსდა. ღონისძიებას ესწრებოდა სააგენტოს დირექტორი ანეტა კიტია.