“უღელტეხილი”–ზუგდიდელი და ფოთელი მსახიობების კონპროდუქცია

• დღეს, ზუგდიდის შალვა დადიანის სახელობის პროფესიულმა სახელმწიფო დრამატულმა თეატრმა წარადგინა სპექტაკლი “უღელტეხილი”.

ზუგდიდის თეატრის მთავარმა რეჟისორმა გეგა ქურციკიძემ აღნიშნა, რომ დღევანდელი სპექტაკლი არის, ზუგდიდის თეატრისა და ფოთის თეატრის  კონპროდუქცია, რომლის პრემიერა უკვე შედგა. “სპექტაკლში მონაწილეობენ როგორც ზუგდიდის, ასევე ფოთის თეატრის მსახიობები. სპექტაკლის ავტორი გახლავთ ბატონი ბადრი წერედიანი და ნიკა საბაშვილი, ხოლო რეჟისორი გახლავთ ნიკა საბაშვილი. სპექტაკლის სახელწოდებიდან გამომდინარე, სპექტაკლი ეხება, ჩვენი არც თუ ისე,  შორი და საშინელი, ტრაგიკული ისტორიის იმ მოანკვეთს, რაც ჩვენმა ხალხმა გაიარა იმ ავადსახსენებელი აფხაზეთის ომის შემდეგ”.

რეჟისორი ამბობს, რომ სპექტაკლი მიწვეულია თბილისის საერთაშორისო ფესტივალზე, სადაც 2 ოქტომბერს ითამაშებენ მიხეილ თუმანიშვილის სახელობის სახელმწიფო თეატრში.