- მყვინთავები ტიტანიკს ბოლო 14 წლის განმავლობაში პირველად ესტუმრნენ. აღმოჩნდა, რომ გემი მეტალის ბაქტერიებისგან განადგურებულია.
ექსპერტებისა და მეცნიერების გუნდმა და ოკეანესა და ატმოსფერული ადმინისტრაციის წარმომადგენელმა 107 წლის გემის კადრები სპეციალური ადაპტირებული კამერით გადაიღეს.
“ყველაზე საინტერესო ასპექტი იყო იმის დანახვა, ტიტანიკი ოკეანესთან როგორ ერთიანდება და როგორ იქცა ის თავშესაფრად მრავალფეროვანი ცხოველებისთვის”, – თქვა პატრიკ ლაჰიმ, Triton Submarines–ის პრეზიდენტმა და თანადამფუძნებელმა.
ტიტანიკი 1912 წელს ჩაიძირა, აისბერგთან დაჯახების შედეგად. გემზე მყოფი 2,223 ადამიანიდან 1,517 დაიღუპა.