სკოლამდელ სააღმზრდელო დაწესებულებათა მართვის ცენტრს დაქვემდებარებულ ბაღებში აღსაზრდელებს სკოლაში აცილებენ

• ზუგდიდის №12-ე საბავშვო ბაღში სკოლამდელ სააღმზრდელო დაწესებულებათა მართვის ცენტრის დირექტორი, ხათუნა თოლორაია, ცენტრის წარმომადგენლები, აღსაზრდელთა მშობლები და მოწვეული სტუმრები გამოსაშვებ საზეიმო აქტივობას ესწრებოდნენ.

პატარებმა, აღმზრდელებთან ერთად, განსაკუთრებული, სანახაობრივი და ემოციური აქტივობა შესთავაზეს დამსწრე საზოგადოებას.

ხათუნა თოლორაია, სკოლამდელ სააღმზრდელო დაწესებულებათა მართვის ცენტრის დირექტორი: “წელს სკოლამდელ სააღმზრდელო დაწესებულებათა ცენტრს დაქვემდებარებული საბავშვო ბაღები ათასზე მეტ აღზრდილს დაულოცავს გზას სკოლისაკენ. მნიშვნელოვანი, საზეიმო დღეები, ტრადიციულად, განსაკუთრებულად აღინიშნება ბაღებში. ვულოცავთ ჩვენ აღზრდილებს ამ სასიხარულო დღეს და წარმატებებს ვუსურვებთ მომავალ, საინტერესო გზაზე”.