- საქართველოში, ბოლო 24 საათში, კორონავირუსის 1595 ახალი შემთხვევა გამოვლინდა და ინფიცირების შემთხვევათა რაოდენობა 22 803-ს შეადგენს. ამის შესახებ ინფორმაცია მთავრობის მიერ შექმნილ ვებ გვერდზე, stopcov.ge -ზეა განთავსებული.
გამოჯანმრთელდა 398 პაციენტი, გამოჯანმრთელებულთა საერთო რაოდენობაა 9 401.
კორონავირუსის შედეგად, ქვეყანაში კიდევ ექვსი პაციენტი გარდაიცვალა. გარდაცვლილთა რაოდენობა ჯამში 178-ს შეადგენს.
კარანტინის რეჟიმში იმყოფება 4 462 მოქალაქე, სტაციონარში მეთვალყურეობას გადის 3 071 ადამიანი, კოვიდსასტუმროში მყოფი პირების რაოდენობა კი 1 772-ს შეადგენს.
უცხოეთიდან სამკურნალოდ გადმოყვანილია საქართველოს 41 მოქალაქე.
