- სამეგრელო-ზემო სვანეთის სასაზღვრო პოლიციის სადგურ “ანაკლიის” უფროსმა თანამდებობა დატოვა.
რევაზ ლაზიშვილმა ჟურნალისტებთან, აღნიშნა რომ ის თანამდებობას პროტესტის ნიშნად ტოვებს.
” ვარ სასაზღვრო პოლიციის თანამშრომელი, სადგურ ანაკლიის უფროსი. მივიღე გადაწყვეტილება, რომ თანამდებობა დავტოვო. ჩემი პროტესტი გამოიწვია დღეს მომხდარმა ფაქტმა, კერძოდ პოლიციის თანამშომლის დაკავებამ, რომელთანაც მიმუშავია და ვახასიათებ კარგ პოლიციელად. აღნიშნული ფაქტის შემდეგ მივიღე გადაწყვეტილება. არ შემეძლო კაბინეტიდან მეყურებინა გმირი პოლიცილების მიმართ ჩადენილ ასეთ ქმედებაზე და მივიღე გადაწყვეტილება, დავტოვო თანამდებობა. მიმაჩნია, რომ ისინი არიან გმირი პოლიციელები და არ მაქვს უფლება, რომ ამას კაბინეტიდან ვუყურო. ესენი არიან ღირსეული პოლიციელები. რუსლან შამახიას სახლში ჩატარებული ჩხრეკა იყო უკანონო, როგორც ვიცი მას აქვს ოფიციალურად გაფორმებული იარაღი”, – განაცხადა ლაზიშვილმა.