“სამოქალაქო მოძრაობა” ზუგდიდში ოფისს ხსნის

• დღეს, ზუგდიდში, “სამოქალაქო მოძრაობის” ხელმძღვანელმა ალეკო ელისაშვილმა ოფისი გახსნა. 

“თბილისის, ქუთაისის, ბათუმის, თელავის შემდეგ, დღეს, ზუგდიდში გავხსენით ოფისი. ქვეყანაში, რომელიც გახლეჩილია ორ დიდ პოლიტიკურ ძალას “ნაციონალურ მოძრაობასა” და “ოცნებას”  შორის, ამ ძალების ბრძოლის შედეგად დაიკარგა მთავარი-ხალხი, ხალხის ხმა და მათი პრობლმები. ჩვენ მიგვაჩნია, რომ არ უნდა ველოდოთ მესიებს, თეთრ ცხენზე ამხედრებულ რაინდებს, რომლებიც მოვლენ და ხმლის ერთი მოქნევით ქვეყანას გადაარჩენენ. გარემო და ქვეყანა უნდა შევცვალოთ უკეთესობისკენ და ამისთვის თითოეულმა ჩვენგანმა უნდა მოვიდომოთ”.-განაცხადა ელისაშვილმა.

ორგანიზაციის ადგილობრივ ოფისს ხელმძღვანელობს როსტომ ზარანდია, რომელიც ამბობს, რომ მათთვის პრიორიტეტი სამოქალაქო ჩართულობის ამაღლება იქნება.