საკანონმდებლო ორგანომ პარლამენტის 12 წევრის უფლებამოსილება ცნო

• საკანონმდებლო ორგანომ, პლენარულ სხდომაზე, პოლიტიკური გაერთიანება „გახარია საქართველოსთვის“ პარტიული სიით არჩეული პარლამენტის 12 გამოკლებული წევრის ადგილმონაცვლე პარლამენტის წევრების – გელა აბულაძის, ჯემალ ანანიძის, ქეთევან ბაკარაძის, რუსუდან თევზაძის, მალხაზ თორიას, შალვა კერესელიძის, სალომე კობალაძის, გიგა ფარულავას, ვიკა ფილფანის, გიორგი შარაშიძის, თამარ ხვედელიანის და სოფიო ხორგუანის – უფლებამოსილება ცნო.

პარლამენტმა თორმეტივე დეპუტატის მიმართ პარლამენტის წევრის უფლებამოსილების ცნობის თაობაზე დადგენილების პროექტებს ცალ-ცალკე უყარა კენჭი.

2 ივლისს, პარლამენტის რიგგარეშე სესიის პლენარულ სხდომაზე, პოლიტიკური გაერთიანების „გახარია საქართველოსთვის“ 12 წევრს, საგაზაფხულო სესიის 26-ვე სხდომის არასაპატიო მიზეზით გაცდენის გამო, სადეპუტატო უფლებამოსილება ვადამდე შეუწყდა.

ინფორმაციას საქართველოს პარლამენტი ავრცელებს