- სამეგრელო-ზემო სვანეთის სამხარეო ადმინისტრაციის ინფორმაციით,1 დეკემბრიდან მწვანე პასპორტის შემოღების შემდეგ სამეგრელოს რეგიონში ვაქცინაციის მსურველთა რაოდენობა 30 პროცენტით გაიზარდა.
მასობრივი იმუნიზაციის ცენტრში აცხადებენ, რომ მთავრობის მიერ ვაქცინაციის პროცესის წასახალისებლად გადადგმულმა ნაბიჯებმა, მათ შორის პენსიონერთა 200 ლარიანი ფინანსური წახალისების ინიციატივის შემდეგ იმუნიზაციის მსურველთა რაოდენობამ მნიშვნელოვნად იმატა. ცენტრში კოვიდ ვაქცინებთან ერთად გრიპის ვაქცინით იმუნიზაციაც არის შესაძლებელი.
ზუგდიდის მუნიციპალიტეტში 5 ვაქცინაციის პუნქტი მოქმედებს, სადაც აცრა ქვეყანაში არსებული ყველა ვაქცინით ხორციელდება. ამასთან, საზოგადოებრივი ჯანდაცვის ცენტრი, ზუგდიდის მუნიციპალიტეტის ადმინისტრაციულ ერთეულებში მოსახლეობას ვაქცინაციის მოძრავი პუნქტით ემსახურება, რომლის გრაფიკიც სოფლის მოსახლოებისთვის წინასწარ ხდება ცნობილი.
