- ოკუპანტების მიერ კრივოი-როგის დაბომბვის შედეგად ნავთობბაზაზე ძლიერი ხანძარი გაჩნდა, – ამის შესახებ დნეპროპეტროვსკის საოლქო- სამხედრო ადმინისტრაციის ხელმძღვანელმა ვალენტინ რეზნიჩენკომ „ტელეგრამზე“ დაწერა.
„კრივოი-როგზე სარაკეტო თავდასხმა განხორციელდა. ნავთობბაზაზე ძლიერი ხანძარია. ადგილზე მეხანძრეები მუშაობენ. ნგრევის მასშტაბები და ინფორმაცია დაშავებულების შესახებ ზუსტდება“, – აცხადებს რეზნიჩენკო.
მანამდე, უკრაინულმა მედიამ გაავრცელა ინფორმაცია, რომ ოკუპანტებმა დღეს დილით კრივოი-როგი დაბომბეს და ხელისუფლების წარმომადგენლები მოსახლეობას თავშესაფრებში დარჩენისკენ მოუწოდებდნენ.