როგორ ვისწავლოთ ინგლისური დამოუკიდებლად

დოქტორი პიმსლერის მეთოდი

დოქტორი პიმსლერის მეთოდი ძირითადად მიმართულია აუდირებაზე, მსმენელი ისმენს ფრაზებს და გამოთქვამს მათ ერთდროულად. ანუ პარალელურად ისმენს და თან იმეორებს მოსმენილს. კურსი დაყოფილია სამ ნაწილად, თითოში 30 გაკვეთილია. თითო გაკვეთილის ხანგრძლივობა შეადგენს 30 წუთს. რა თქმა უნდა ამ აუდიო გაკვეთილებს თან დართული აქვს ტექსტური მასალაც.

დიმიტრი პეტროვის მეთოდი

მათთვის ვისაც სჭირდება ინგლისური კომუნიკაციის უნარების სწრაფად ათვისება, დიმიტრი პეტროვის მეთოდი ზუსტად მათთვისაა. ამ მეთოდში აქცენტი კეთდება ნასწავლი ფრაზების ავტომატიზმამდე დაყვანაზე. მასში გათვალისწინებულია მცირე სიტყვათა მარაგის კომბინაციით რაც შეიძლება მეტი ფრაზების დალაგება. კურსი შედგება 16 გაკვეთილისგან, მისი პოვნა შეგიძლიათ უფასოდ ინტერნეტშიც.

ფილმები ინგლისურ ენაზე, ორმაგი სუბტიტრებით

ეს მეთოდი სასიამოვნო და ნაყოფიერია მათთვის ვისაც უყვარს ფილმების ყურება. ფილმების საშუალებით შეგეძლებათ არა მარტო ისწავლოთ უცხო ენა, არამედ დატკბეთ დასვენებით და გაიმდიდროთ მსოფლმხედველობა, ამასთან ერთად დროც არ იქნება დაკარგული. მთავარია, რომ მასალის, არჩევისას, შეარჩიოთ თქვენი დონის შესაბამისი ფილმები.

სასარგებლო აპლიკაციები

თუ დროის დიდ ნაწილს ატაებთ გზაში, უმჯობესია მისი ნაყოფიერად გამოყენება. თუ გაქვს სმარტფონი, გადმოწერე სასარგებლო აპლიკაციები და ისწავლე ინგლისური სადაც მოგესურვება. ყველაზე პოპულარული აპლიკაციებია:Byki, EF MyWords, Busuu, Accela Study, DuoLingo, LinguaLeo, Babbel და BlueSky.

წყარო