- ამ წუთებში, ზუგდიდის მუნიციპალიტეტის მოსწავლე-ახალგაზრდობის განვითარების სასახლის მუსიკალურ-თეატრალური სტუდია “რიბი-რაბოს” და ანსამბლ “გინცის” აღსაზრდელების საანგარიშო კონცერტი მიმდინარეობს.
მაყურებელთა წინაშე, უკვე წარსდგნენ სტუდია “რიბი-რაბოს” უმცროსი ჯგუფის წევრები. პატარებმა შეასრულეს საყვარელი სიმღერები. კონცერტს საინტერესო მუხტი შესძინა სახემ, რომელიც დარბაზს წარუდგა, როგორც “რიბი-რაბოს” კახათელი ბებია და მთელი კონცერტის განმავლობაში, სცენაზე, დარბაზში თუ კულისებში “რიბი-რაბოელების” და მათი მშობლების გვერდით იდგა და ამხნევებდა. “კახათელი ბებია ნინა” არის ქუთაისის თოჯინების თეატრის მსახიობი, თეა გეგეჭკორი, რომელიც სტუდიამ სპეციალურად კონცერტისთვის მოიწვია.
ექვს საათზე “რიბი-რაბო” და ანსამბლი “გინცი” აგრძელებს თავისი შემოქმედების მაყურებლებისთვის ჩვენებას.