პრევენციის მიზნით, სასჯელაღსრულების სისტემის 780 თანამშრომელი, შემდეგი კვირების განმავლობაში, საპატიმროების შენობებში იცხოვრებს


  • იუსტიციის მინისტრის, თეა წულუკიანის განცხადებით, სამინისტრომ უპრეცედენტო გადაწყვეტილება მიიღო და 780 თანაშრომელი შემდეგი კვირების განმავლობაში საპატიმროების შენობებში იცხოვრებს.

როგორც წულუკიანმა მთავრობის ადმინისტრაციაში, ბრიფინგზე განაცხადა, აღნიშნული გადაწყვეტილება იმის გამო მიიღეს, რომ საპატიმროებში გარედან ვირუსის შეტანა თავიდან იქნას აცილებული.

„საქართველოს საპატიმროები გადადის მართვის ახალ ეტაპზე. კერძოდ, ჩვენ ის მოდელი შევიმუშავეთ, რაც საპატიმროების სისტემისთვის ჩვეულებრივ დროს არ არის ბუნებრივი. შერჩეული იქნა 780 თანამშრომელი, რომელიც გუშინ გამოცხადდა სამსახურში, საპატიმროების ტერიტორიაზე, სადაც ისინი ჩვეულებრივ დროს მუშაობენ და ისინი მომდევნო კვირების განმავლოაბში არ წავლენ შინ. 780 თანამშრომელ იცხოვრებს საპატიმროების შენობებში და ამ ტერიტორიაზე ტერიტორიის დატოვების გარეშე იმისათვის, რომ არც ჩვენ და არც პატიმრებს არ ჰქონდეთ იმის განცდა, რომ გარედან რომელიმე ინსპექტორ კონტროლიორი მოახდენს ვირუსის შიგნით შეტანას.

პირველ რიგში, მინდა ამ 780 თაამშრომელს ვუთხრა მადლობა, რადგან მათ ნებაყოფლობით მიიღეს გადაწყვეტილება, დროებით დატოვონ ოჯახები და 24-საათიან მორიგეობაზე გადავიდნენ, ანუ 400-ზე მეტი ადამიანი იქნება თითო ცვლაში, შემდეგ დაისვენებენ საპატიმროს ტერიტორიაზე მათთვის სპეციალურად შექმნილ ყაზარმულ სივრცეში. მათ ექნებათ სამჯერადი უფასო კვება და რა თქმა უნდა, ის უფლებები, რაც პატიმარს არ აქვს, რადგან ისინი რა თქმა უნდა, თავისუფლებაღკვეთილი პირები არ არიან. მათ გაეწევათ შესაბამისი ფინანსური შეღავათი იმისთვის, რომ ამგვარ განსაკუთრებულ რეჟიმში მუშაობა დაკომპენსირდეს. ასევე მადლობა მინდა ვუთხრა პენიტენციური სამსახურის ხელმძღვანელობას, რადგან სულ 2 დღეში წარმოუდგენელი ტემპით მოხდა საყაზარმე სივრცეების აღჭურვა და საძინებლების მოწყობა ჩვენი თანამშრომლებისთვის“, – განაცხადა წულუკიანმა.

წყარო


კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site uses Akismet to reduce spam. Learn how your comment data is processed.

ძვირფასო ზუგდიდელებო, ზუგდიდის სტუმრებო და მეგობრებო

ჩვენი ფეისბუქ გვერდი უკვე 14 000 ადამიანმა გამოიწერა. შემოგვიერთდით თქვენც, აქ იდება ყოველდღიური სიახლეები, საინტერესო და საოცარი ამბები. გელოდებით, ჩვენ თქვენი მხარდაჭერა გვჭირდება! მადლობა და შეხვედრამდე!