- დადიანების სასახლეთა ისტორიულ არქიტექტურული მუზეუმის კომპლექსში მდებარე ნიკოსეულ სასახლეს მსურველები ოთხშაბათობით უფასოდ დაათვალიერებენ.
“ყოველ ოთხშაბათ დღეს, უფლისწულ ნიკო დადიანის სასახლეში 11:00 საათიდან 17:00 საათის ჩათვლით, ნებისმიერი ვიზიტორი უფასოდ შეძლებს საგამოფენო სივრცის დათვალიერებას.
დადიანების სასახლის ადმინისტრაციის ინფორმაციით, ამ ინიციატივასთან დაკავშირებით, მუზეუმმა მიიღო გადაწყვეტილება ოთხშაბათობით დადიანების სასახლის წინ მდებარე პარკში არსებული კარიბჭე, ღია დახვდება სტუმრებს”.-აღნიშნულია დადიანების სასახლის ადმინისტრაციის მიერ გავრცელებულ ინფორმაციში.