- დღეს, 14 ივლისს, ზუგდიდში პოლიკარპე ხუბულავას სახელობის ფოლკლორის V საერთაშორისო ფესტივალი ,,კოლხი და…” გაიხსნა. ფესტივალის ფარგლებში, უფლისწულ ნიკო დადიანის სასახლეში გაიხსნა საქართველოს სახალხო არტისტის, ლოტბარისა და საზოგადო მოღვაწის ჯემალ ჭკუასელის 90 წლის იუბილესადმი მიძღვნილი გამოფენა.
გამოფენაზე წარმოდგენილია, უნიკალური საოჯახო ფოტოები და ვიდეომასალა. გამოფენა ხელოვნების სასახლისა და დადიანების სასახლის მუზეუმების თანამშრომლობით მოეწყო და ივლისის ბოლომდე გაგრძელდება.
