მორიგი საჩუქარი დადიანების მუზეუმს

• დადიანების სასახლეთა ისტორიულ-არქიტექტურული მუზეუმის სტრატეგიული განვითარების საბჭოს თავმჯდომარემ, გიორგი კალანდიამ, დადიანების მუზეუმის, დავით დადიანის სახელობის ბიბლიოთეკას საჩუქრად გადასცა უნიკალური გამოცემა – “სამეგრელო – ქართული კულტურის ისტორიის ქრონიკების” პირველი და მეორე ტომი, რომელიც რუსთაველის ეროვნული სამეცნიერო ფონდისა და ფონდ ხარებას მხარდაჭერით გამოიცა.

დადიანების სასახლის ადმინისტრაციის ინფორმაციით, დღეიდან, დაინტერესებულ პირებსა და მკვლევარ-მეცნიერებს შესაძლებლობა ექნებათ გაეცნონ ცაიშის, მოქვის, დრანდის საეპისკოპოსოების, მარტვილის-ჭყონდიდის ეპარქიის, აგრეთვე ბედიის, ხობის, წალენჯიხის სასულიერო ცენტრების ისტორიებსა და საარქივო მასალებს.