”მეტი რაღა უნდა მოხდეს”-მხარდამჭერი აქცია ზუგდიდში

დღეს, ცენტრალური ბულვარის ტერიტორიაზე არასამთავრობო ორგანიზაციის წარმომადგენლები და სამოქალაქო აქტივისტები შეუერთდნენ „თეთრი ხმაურის მოძრაობის“ მიერ დაგეგმილ აქციას „ მეტი რაღა უნდა მოხდეს“. აქციის მონაწილეებმა გააპროტესტეს ჯგუფ „ბირჟა მაფიას“ წევრების დაკავება. აქციის მონაწილეებს ხელთ ჰქონდათ პლაკატები: „სისტემა უნდა დაინგრეს“, „ჩემი არ არის, ჩამიდეს!, „არა ჩადებას!“, „შინაგან საქმეთა მაფია“ „მეტი არ უნდა მოხდეს“. საზოგადოებრივი ორგანიზაციის „თანასწორობის მოძრაობის“ ზუგდიდის ოფისის მენეჯერმა ემზარ კვარაცხელიამ ჟურნალისტებს უთხრა, რომ „ იმდენად გაბრაზებულები ვართ, რომ  მუხტი ამ აქციებით არ შეჩერდება, ადამიანი მხოლოდ ცენზურის გამო არის დაკავებული.“ მისი თქმით, საფრთხე ემუქრება გამოხატვის თავისუფლებას.[embedyt] http://www.youtube.com/watch?v=JXHFwXEHjxY[/embedyt] „ბირჟა მაფიის“ წევრებს: მიშკა მგალობლიშვილს და გიორგი ქებურიას 8-დან-20 წლამდე, ან უვადო თავისუფლების აღკვეთა ემუქრებათ. მათ შსს განსაკუტრებით დიდი ოდენობით ნარკოტიკების შეძენა – შენახვას ედავება. დღევანდელ აქციას შეუერთდა “ევროპული საქართველო” და “პატრიოტთა ალიანსი”.