- ზუგდიდის მუნიციპალიტეტის მერიის საზოგადოებასთან ურთიერთობის სამსახური ინფორმაციას ავრცელებს:
“ქ. ზუგდიდი თეატრის ქუჩაზე მდებარე არასასოფლო-სამეურნეო დანიშნულების მიწის ნაკვეთი საინვესტიციო ვალდებულებებით 7 270 118 ( შვიდი მილიონ ორას სამოცდაათი ათას ას თვრამეტი) ლარად m2 შეიძინა. ელექტრონული აუქციონის პირობებად განისაზღვრა საპრივატიზებო უძრავი ქონებაზე 8 000 000 (რვა მილიონი) ა.შ.შ დოალრის ექვივალენტი ლარში ინვესტიციის განხორციელება, 80 ნომრიანი საერთაშორისო სტანდარტების ბრენდული სასტუმროს მშენებლობა.
ზუგდიდის მუნიციპალიტეტის მერია მიწის ნაკვეთის გასხვისების მომენტიდან 6 (ექვსი) თვის ვადაში უზრუნველყოფს მიწის ნაკვეთებზე განთავსებული შენობა-ნაგებობისა და დანადგარების დემონტაჟს. შემძენი ვალდებულია სასტუმროს მშენებლობა დაასრულოს მშენებლობის ნებართვის გაცემიდან 30 (ოცდაათი) თვის განმავლობაში. ქ. ზუგდიდი მარჯვენა სანაპიროს ქუჩაზე მდებარე არასასოფლო-სამეურნეო დანიშნულების მიწის ნაკვეთი 100 500 ლარად გაიყიდა. აუქციონის პირობის თანახმად, ზუგდიდის მუნიციპალიტეტის მერიის მიერ მითითებულ ტერიტორიაზე 2 (ორი) ხელოვნურსაფარიანი მინი სტადიონი მოეწყობა ნასყიდობის ხელშეკრულების გაფორმებიდან 6 (ექვსი) თვის ვადაში”.