მასტერკლასი: “პერსონალური მონაცემების დაცვა”

• დღეს, საქართველოს უნივერსიტეტის სამეგრელო-ზემო სვანეთის რეგიონულ წარმომადგენლობაში პერსონალური მონაცემების დაცვის თემაზე მასტერკლასი გაიმართა.

მასტერკლასს საქართველოს უნივერსიტეტის ვებტექნოლოგიების განვითარების განყოფილების უფროსი, დავით თინიკაშვილი უძღვებოდა. სემინარი, რომელშიც ზუგდიდის, სენაკისა და ჯვარის მუნიციპალიტეტებიდან ესწრებოდნენ უფროსკლასელები, სტუდენტები და კომპიუტერული ტექნოლოგიით დაინტერესებული პირები, ინტერაქტიული და ძალიან საინტერესო აღმოჩნდა.

შეხვედრის დასასრულს, მონაწილეებმა სურვილი გამოთქვეს, ამ თემატიკის ტრენინგი მომავალშიც ჩატარდეს, სადაც სიამოვნებით მიიღებენ მონაწილეობას.