“ლურჯი ნაკადულის დღე”

• 22 მარტს მთელი მსოფლიო აღნიშნავს წყლის რესურსების დაცვის საერთაშორისო დღეს, რომელიც საქართველოში ცნობილია, როგორც “ლურჯი ნაკადულის დღე”.

ამ დღესთან დაკავშირებით, მუნიციპლიტეტის მთელს ტერიტორიაზე ჩატარდა მდინარეების, ნაკადულების, ღელეების, წყალსაწრეტი არხების და მათი მიმდებარე ტერიტორიების დასუფთავების სამუშაოები.

“ზუგდიდდასუფთავების ცენტრის” ინფორმაციით, ქალაქში ასევე 48 სასოფლო ტერიტორიულ ერთეულში, 17 სხვადასხვა ლოკაციაზე გაიწმინდა მდინარეების ჩხოუშის, სინწის, კუჩხობონის, ჯუმის, ენგურის, უმპიას, აგრეთვე სხვადასხვა ნაკადულების კალაპოტები და მათი მიმდებარე ტერიტორიები და ასევე ანაკლია-განმუხურის ზღვის სანაპირო ზოლი.

აქციაში მონაწილეობა მიიღეს ზუგდიდის მუნიციპალიტეტის მერიის თანამშრომლებმა, საქართველოს მწვანეთა მოძრაობის წარმომადგენელმა სამეგრელო-ზემო სვანეთში ირაკლი ქოჩუამ, ა(ა)იპ “ზუგდიდდასუფთავების ცენტრის” მუშა-მოსამსახურეებმა და ადგილობრივმა მოსახლეობამ.