- 22 მარტს მთელი მსოფლიო აღნიშნავს წყლის რესურსების დაცვის საერთაშორისო დღეს, რომელიც საქართველოში ცნობილია, როგორც “ლურჯი ნაკადულის დღე”.
ამ დღესთან დაკავშირებით, ზუგდიდის მუნიციპალიტეტის მერიის ხელმძღვანელობით მუნიციპლიტეტის მთელს ტერიტორიაზე ჩატარდა მდინარეების, ნაკადულების, ღელეების, წყალსაწრეტი არხების და მათი მიმდებარე ტერიტორიების დასუფთავების სამუშაოები.
აქციაში მონაწილეობა მიიღეს ზუგდიდის მუნიციპალიტეტის მერიის თანამშრომლებმა, საქართველოს მწვანეთა მოძრაობის წარმომადგენელმა სამეგრელო-ზემო სვანეთში ირაკლი ქოჩუამ, ა(ა)იპ “ზუგდიდდასუფთავების ცენტრი”-ს მუშა-მოსამსახურეებმა და ადგილობრივმა მოსახლეობამ.
როგორც ქალაქში ასევე 48 სასოფლო ტერიტორიულ ერთეულში, 17 სხვადასხვა ლოკაციაზე გაიწმინდა მდინარეების ჩხოუშის, სინწის, კუჩხობონის, ჯუმის, ენგურის, უმპიას, აგრეთვე სხვადასხვა ნაკადულების კალაპოტები და მათი მიმდებარე ტერიტორიები და ასევე ანაკლია-განმუხურის ზღვის სანაპირო ზოლი.
“მოსახლეობას მოგმართავთ თხოვნით : გავუფრთხილდეთ გარემოს. დავიცვათ სისუფთავე.გარემოზე ზრუნვა თითოეული ჩვენთაგანის მოვალეობაა. სუფთა გარემო ჯანსაღი ცხოვრების საწინდარია. ჩვენ უნდა ვიყოთ მაგალითი მომავალი თაობებისთვის. ნაგავი მოვათავსოთ ნაგავშემკრებ კონტეინერებში.”-ნათქვამია “ზუგდიდასუფთავების” ცენტრის ინფორმაციაში.
