- ზუგდიდის ინფექციური საავადმყოფოს ექიმ-ინფექციონისტის ლალი დარახველიძის ინფორმაციით, გუშინ, აფხაზეთიდან შემოყვანილი პაციენტის ბიოლოგიური მასალა გადაგზავნილია ლუგარის ლაბორატორიაში კვლევის მიზნით და ანალიზების პასუხი დღეს გახდება ცნობილი.
” პაციენტი იმყოფებოდა მოსკოვში, ჩამოვიდა აფხაზეთში და აფხაზეთიდან გადმოყვანილ იქნა, როგორც იცით, ზუგდიდის ინფექციურ საავადმოფოში. როგორც წუხელ გითხარით, მასთან ერთად იყო რუსი ეროვნების მამაკაცი. ველოდებოდით მის გადმოყვანას წუხელ, თუმცა მოხდა ისე, რომ ის გადაყვანილ იქნა, შემდეგ სოხუმის საავადმყოფოში, სადაც გადის მკურნალობას”.
ექიმ-ინფექციონისტის განცხადებით, “ინფექციურ საავადმყოფოში გვყავს სამი პაციენტი, მათ შორის ერთი დადასტურებული შემთხვევა, რომლის ჯანმრთელობის მდგომარეობა დამაკმაყოფილებელია. ერთი არის დაკვირვების ქვეშ და მისი მდგომარეობა გაუმჯობესებულია. გვაქვს ერთი ახალი შემთხვევა, რომელსაც აქვს მოგზაურობის ისტორია”.