- 7 თებერვალს, 15:00 საათზე, ზუგდიდის შალვა დადიანის სახელობის პროფესიული სახელმწიფო დრამატული თეატრი წარმოადგენს სპექტაკლს “მარიტა”.
რეჟისორი, ინსცენირების ავტორი სცენოგრაფი გახლავთ ელენე მაცხონაშვილი.
“სპექტაკლი „მარიტა“ გიორგი ლეონიძის ამავე სახელწოდების მოთხრობის მიხედვითაა. სპექტაკლი თოჯინური და ცოცხალი პლანის სინთეზია, რომელიც ნებისმიერი ასაკის მაყურებლისთვის ერთიანად ამაღელვებელი და სევდის მომგვრელია. სპექტაკლი- პოეტური ოპუსი, სიყვარულის უსასრულობაზეა, სადაც გამარჯვებული და დამარცხენული არ არსებობს. მარიტასა და გედიას უანგარო და გულწრფელ სიყვარულს დაპირისპირებული დოგმებით მოაზროვნე საზოგადოება, რომელიც გაუაზრებლად, უმოწყალოდ თელავს და ანადგურებს იმას რაც ჭეშმარიტია, ის რაც სიცოცხლის საწყისია – პატივისცემას, სიყვარულსა და სილამაზეს. თვითონ კი რჩება გამოშიგნული, უსიცოცხლო, როგორც გამხმარი ბალახის კონა.”-აღნიშულია ინფორმაციაში.
