ზუგდიდში წარჩინებული მოსწავლეები და ღვაწლმოსილი პედაგოგები დააჯილდოვეს

• ზუგდიდის მერიაში, 2024-2025 სასწავლო წლის წარჩინებული მოსწავლეების, ოქროსა და ვერცხლის მედალოსნების დაჯილდოება გაიმართა.

ზუგდიდის მუნიციპალიტეტის მერიის ინფორმაციით, მედალოსნებს სიგელები და საჩუქრები სამეგრელო-ზემო სვანეთის სახელმწიფო რწმუნებულმა დავით ვერავამ და ზუგდიდის მერმა მამუკა წოწერიამ გადასცეს.

დაჯილდოვდა 146 ოქროსა და 14 ვერცხლის მედალოსანი წარმატებული მოსწავლე.

მედალოსნების დაჯილდოების ცერემონიალის დასრულების შემდეგ, საჯარო სკოლების 10 ღვაწლმოსილი მასწავლებლისთვის ზუგდიდის დამსახურებული მოღვაწის საპატიო წოდების გადაცემის ცერემონია გაიმართა.

ზუგდიდის დამსახურებული მოღვაწის საპატიო წოდება მიენიჭათ:

აკაკი წერეთლის სახელობის N1 საჯარო სკოლის წამყვან მასწავლებელს – ხათუნა ქვარცხავას,

მერაბ კოსტავას სახელობის N2 საჯარო სკოლის წამყვან მასწავლებელს – მედიკო ჯიქიას,

N4 საჯარო სკოლის რუსული ენის მასწავლებელს – ოლგა შესტაკოვას,

N5 საჯარო სკოლის წამყვან მასწავლებელს – დალი ჭკადუას

, N6 საჯარო სკოლის ქართული ენისა და ლიტერატურის უფროს მასწავლებელს – მადონა ქირიას,

N10 საჯარო სკოლის წამყვან მასწავლებელს – ნონა ლაგვილავას,

ახალაბასთუმნის საჯარო სკოლის წამყვან მასწავლებელს – მზია თორდიას,

დარჩელის N 1 საჯარო სკოლის უფროს მასწავლებელს – მარინე ქადარიას,

დარჩელის N 2 საჯარო სკოლის უფროს მასწავლებელს – როზეტა ზაქარაიას,

კახათის N1 საჯარო სკოლის წამყვან მასწავლებელს – ნონა დარასელიას.

სახელმწიფო რწმუნებულმა და მერმა მასწავლებლებს გაწეული ღვაწლისთვის მადლობა გადაუხადა.10 ღვაწლმოსილი პედაგოგისთვის ზუგდიდის დამსახურებული მოღვაწის საპატიო წოდების მინიჭების გადაწყვეტილება, საპატიო წოდების მინიჭების სპეციალურმა კომისიამ მიიღო.