- დღეს, ზუგდიდში, აქცია „კი ევროპას! არა რუსულ კანონს“ ისევ გაიმართა. არასამთავრობო ორგანიზაციების, სამოქალაქო სექტორის წარმომადგენლები და მოქალაქეები მერიის წინ შეიკრიბნენ და ისევ “უცხოური გავლენის გამჭვირვალობის შესახებ” კანონპროექტი გააპროტესტეს.
აქციის მონაწილეებმა კიდევ ერთხელ მოუწოდეს ხელისუფლებას, უკან გაიხმონ კანონპროექტი, რადგან ის არის რუსული და შეაფერხებს ქვეყნის დემოკრატიას.
აქციის მონაწილეებმა მსვლელობაც მოაწყვეს. ისინი საქართველოსა და ევროკავშირის დროშებით გადაადგილდებოდნენ. აქციის მონაწილეებმა ზუგდიდის მუნიციპალიტეტის მერიასთან განცხადებებიც გააკეთეს. შეკრებილებს სიტყვით მიმართეს ადგილობრივი არასამთავრობო ორგანიზაციების წარმოამდგენლებმა.
აქციაზე იმყოფებოდა წალენჯიხის მუნიციპალიტეტის მერი გია ხარჩილავა და მისი მოადგილე თამარ ბელქანია.
ადგილზე მობილიზირებული იყო სამართალდამცავები.