- ზუგდიდს სამუშაო ვიზიტით ეწვია ევროპა ნოსტრას ექსპერტთა მისია, რომელთა მიზანია ჭაქვინჯის ციხის დეტალური შესწავლა, მისი გადარჩენისთვის შესაბამისი საექსპერტო დასკვნისა და რეკომენდაციების შემუშავება.
ზუგდიდის მუნიციპალიტეტის ბიბლიოთეკების მართვის ცენტრის ინფორმაციით, მისია რამდენიმე დღეს გასტანს, რომლის შედეგადაც წარმოდგენილი იქნება კონკრეტული ნაბიჯები ამ მნიშვნელოვანი ეროვნული კულტურული მემკვიდრეობის ძეგლის გადარჩენისა და განვითარებისათვის.
ვიზიტის ფარგლებში, სამუშაო შეხვედრა გაიმართა ზუგდიდის მუნიციპალიტეტის ბიბლიოთეკების მართვის ცენტრის ხელმძღვანელთან. შედგა მსჯელობა ბიბლიოთეკასთან თანამშრომლობის პერსპექტივებსა და მნიშვნელობაზე, დაიგეგმა სამომავლო აქტივობები.