ზუგდიდის სახელმწიფო უნივერსიტეტში “მშობელთა კლუბი“ ჩამოყალიბდა

• ზუგდიდის სახელმწიფო უნივერსიტეტის მესამე მისიის ფარგლებში, ადრეული აღზრდისა და განათლების ან/და სკოლამდელი აღზრდისა და განათლების დაწესებულების ავტორიზაციის და „სკოლამდელი განათლების“ საბაკალავრო საგანმანათლებლო პროგრამის აკრედიტაციის სტანდარტების მოთხოვნების უზრუნველსაყოფად, აკადემიური პერსონალის, სტუდენტებისა და ზუგდიდის მუნიციპალიტეტის ა(ა)იპ სკოლამდელ სააღმზრდელო დაწესებულებათა მართვის ცენტრის საბავშვო ბაღების მხარდაჭერის მიზნით ზუგდიდის სახელმწიფო უნივერსიტეტში „მშობელთა კლუბი“ ჩამოყალიბდა.

„მშობელთა კლუბის“ მიზანია უზრუნველყოს: ბაგა ბაღის მშობელთა ცნობიერების ამაღლება პოზიტიურ მშობლობასა და ბავშვის კეთილდღეობის საკითხებზე. სტუდენტებში მოხალისეობრივი კულტურისა და პროფესიული უნარ-ჩვევების განვითარება. ზუგდიდის მუნიციპალიტეტის ა(ა)იპ სკოლამდელ სააღმზრდელო დაწესებულებათა მართვის ცენტრთან და საბავშვო ბაღების აღმზრდელ-პედაგოგებთან თანამშრომლობა და პარტნიორობა.