ზუგდიდის მერი მე-12 კლასელებს სკოლის დამთავრებას ულოცავს

• ზუგდიდის მუნიციპალიტეტის მერი, მამუკა წოწერია, მე-12 კლასელებს სკოლის დამთავრებას ულოცავს.

“დღეს მე-12 კლასელებისთვის უმნიშვნელოვანესი დღეა, ტოვებენ სკოლის კედლებს, რომელთანაც ბავშვობის დაუვიწყარი მოგონებები აკავშირებთ. გილოცავთ სკოლის დამთავრებას და წარმატებებს გისურვებთ! თქვენთან ერთად ვულოცავ მშობლებსა და პედაგოგებს, რომელთა ღვაწლი შეუფასებელია.

წინ ძალიან საინტერესო პერიოდი გელოდებათ, რომელიც სავსე იქნება ახალი ურთიერთობებითა და შესაძლებლობებით.

თქვენ ხართ ჩვენი ქვეყნის ხვალინდელი დღე. მჯერა, თქვენი განათლებითა და პროფესიონალიზმით, ბევრ სიკეთეს მოუტანთ ჩვენს ქვეყანას.

კიდევ ერთხელ გილოცავთ და წარმატებებს გისურვებთ! გვიგულეთ თქვენს გვერდით!”-ნათქვამია მერის ოფიციალურ გვერდზე.