ზუგდიდის მერია დამატებით 11 ოჯახს სახლს აუშენებს და 10 ოჯახს “ერთ თბილ ოთახს“ მოუწყობს

• ზუგდიდის მუნიციპალიტეტის მერიის ინფორმაციით, ზუგდიდის მერია დამატებით 11 ოჯახს სახლს აუშენებს და 10 ოჯახს “ერთ თბილ ოთახს“ მოუწყობს.

მერიის “უსახლკარო და მძიმე საცხოვრებელი პირობების მქონე პირთა საცხოვრებელი ფართით უზრუნველყოფის“ კომისიამ პრიორიტეტული ოჯახები გამოავლინა.

უწყების ცნობით, მომავალ წელს ზუგდიდის მერია 11 მძიმე საყოფაცხოვრებო პირობების მქონე ოჯახს ახალ სახლს აუშენებს, ხოლო 10 ოჯახი “ერთი თბილი ოთახის“ პროგრამაში ჩაერთვება.

სპეციალურმა კომისიამ, ყველა შემოსული განცხადება ადგილზე გადაამოწმა.

ამ ეტაპზე, 9 სახლი შენდება, ხოლო 3 სახლის პროექტირებაზე ტენდერი მიმდინარეობს.