- ზუგდიდის ინფექციურ საავადმყოფოში გრიპისთვის დამახასიათებელი სიმპტომებით, გუშინ უცხოეთის ერთმა მოქალაქემ მიმართა და ამ დრომდე ბოქსირებულ განყოფილებაში იმყოფება.
არსებული ინფორმაციით, ის გუშინ ლიტვიდან ზუგდიდის მუნიციპალიტეტის სოფელ ცაიშში მეგობართან ჩამოფრინდა. როგორც კლინიკის გენერალურმა დირექტორმა ნოდარ ჩიქოვანმა განაცხადა, მისი ჯანმრთელობის მდგომარეობა დამაკმაყოფილებელია, მას უკვე ჩაუტარდა სამედიცინო კვლევები და სისხლი გადაგზავნილია ლუგალის ლაბორატორიაში.