ზუგდიდის აფთიაქებში სამედიცინო ნიღბების დეფიციტია

• ამ წუთებში, “ზუგდიდელების” ჟურნალისტთა ჯგუფი ქალაქის აფთიაქებს სტუმრობს. მიღებული ინფორმაციის თანახმად, აფთიაქებში სამედიცინო ნიღბების დეფიციტია.

ზუგდიდის აფთიაქების უმრავლესობაში გვითხრეს, რომ ეს წუთია დაუმთავრდათ სამედიცინო ნიღბები მასზე დიდი მოთხოვნების გამო. ისინი ამბობენ, რომ ძალიან ბევრი ადამიანი ითხოვს ნიღაბს ვირუსის პრევენციისთვის. არ აქვს მნიშვნელობა აქვთ თუ არა ვირუსი, ითხოვენ და ფიქრობენ, რომ თუ ნიღბებით ივლიან, ვირუსი არ შეეყრებათ.
არ იყო ნიღბები, ავერსის, პსპ–ს, იმპექსის ფილიალებში. აფთიაქის თანამშრომლები როგორც კი იგებენ, რომ ნიღბებზე ინფორმაციით ჟურნალისტები არიან დაინტერესებული, უარს ამბობენ საუბრის ჩაწერაზე და ფოტოს გადაღებაზე.  პსპ–ს ერთ–ერთი ფილიალიდან ჟურნალისტების ჯგუფი იძულებით გაიყვანეს–მიზეზით, რომ ჟურნალისტებს კერძო საკუთრების სივრცეში არ აქვთ ფოტოს გადაღების უფლება.
აფთიაქებში ამბობენ, რომ დღის მეორე ნახევარში, ან ხვალისთვის მაინც ჩამოიტანენ სამედიცინო ნიღბების დიდ პარტიას.