- ზუგდიდის მუნიციპალიტეტის მერიის ინფორმაციით, დამოუკიდებლობის დღის ღონისძიებების ფარგლებში, ზუგდიდის მერმა მამუკა წოწერიამ, წარმატებული სპორტსმენები დააჯილდოვა. სპორტსმენებმა ზუგდიდის მერიისგან, ფულადი ჯილდო და მადლობის სიგელები მიიღეს.
უწყების ცნობით, 2024 წლის განმავლობაში მიღწეული შედეგებით, ზუგდიდს 98 წარმატებული სპორტსმენი ჰყავს.
ზუგდიდელმა სპორტსმენებმა მსოფლიო ჩემპიონატებზე 6 ოქროს, 2 ვერცხლის და 2 ბრინჯაოს მედალი მოიპოვეს.
ევროპის ჩემპიონატზე მიღწეული შედეგებით ზუგდიდელმა სპორტსმენებმა 12 ოქროს, 9 ვერცხლის და 4 ბრინჯაოს მედალი მოიპოვეს.
ზუგდიდის მერიამ სპორტსმენებთან ერთად ფულადო ჯილდო მათ მწვრთნელებსაც გადასცა.