- 2025 წლის რეგისტრაცია ერთიანი ეროვნული გამოცდებისათვის, საერთო სამაგისტრო გამოცდისათვის, ასევე სტუდენტთა საგრანტო კონკურსისათვის დღეს, 2 აპრილს 18:00 საათზე დასრულდება.
შეფასებისა და გამოცდების ეროვნული ცენტრის ინფორმაციით, 2 აპრილის 18:00 საათამდე გამოსაცდელმა უნდა გადაიხადოს რეგისტრაციის საფასური, სარეგისტრაციო გვერდზე შეიყვანოს პირადი მონაცემები და აირჩიოს საგამოცდო ქალაქი.
უწყების ცნობით, ქალაქის, საგნის, ასევე გამოცდის ენის შეცვლა 10 აპრილის 18:00 საათამდეა შესაძლებელი.
“იმ შემთხვევაში, თუ გამოსაცდელები რეგისტრაციის საფასურს გადაიხდიან 2 აპრილის 18:00 საათამდე, მაგრამ რაიმე მიზეზით ვერ მიიყვანენ რეგისტრაციის პროცესს ბოლომდე, მათ შესაძლებლობა ექნებათ 10 აპრილის 18:00 საათამდე დაასრულონ რეგისტრაცია.”-აღნიშნულია ინფორმაციაში.
