ზუგდიდის ისტორიულ-არქიტექტურული მუზეუმიდან გათავისუფლებულმა თანამშრომელმა ელზა ზოდელავამ ყოფილი დირექტორის წინააღმდეგ დავა უზენაეს სასამართლოში მოიგო. აღნიშნულ ინფორმაციას “საერთაშორისო გამჭვირვალობა საქართველო” ავრცელებს. დადიანების მუზეუმს ელზა ზოდელავას სამსახურში აღდგენა და განაცდურის ანაზღაურება დაევალა, რაც დღეის მდგომარეობით, 6000 ლარს შეადგენს. მოსარჩელე მხარის ინტერესებს “საერთაშორისო გამჭირვალე საქართველოს” იურისტი ლელა მოწონელიძე იცავდა. “ელზა ზოდელავა მუზეუმის დირექტორმა 2017 წლის 1 თებერვალს თანამდებობიდან გაათავისუფლა, რაც ჩვენ ზუგდიდის რაიონულ სასამართლოში გავასაჩივრეთ. პირველმა ინსტანციის სასამართლომ არ დააკმაყოფილა სასარჩელო მოთხოვნა, რასაც არ დაეთანხმა ქუთაისის სააპელაციო სასამართლო და მიიჩნია, რომ გათავისუფლების ბრძანება უკანონო იყო. უზენაესი სასამართლოს განჩინებით ძალაში დარჩა სააპელაციო სასამართლოს გადაწყვეტილება”- ნათქვამია “საერთაშორისო გამჭვირვალობა საქართველოს” განცახდებაში.
ელზა ზოდელავა, უზენაესმა სასამართლომ სამსახურში აღადგინა
