დღეს განმუხურში აკვაპარკი გაიხსნება

• ზუგდიდის მუნიციპალიტეტის განმუხურის ადმინისტრაციულ ერთეულში მდებარე აკვაპარკ „ანაკლიაში“ საზაფხულო სეზონი ოფიციალურად დღეს 16:00 სთ-ზე გაიხსნება.

ზუგდიდის მუნიციპალიტეტის მერიის ინფორმაციით, დღეს, სტუმრებს მთელი დღის განმავლობაში უფასოდ შეეძლებათ აკვაპარკით სარგებლობა.

მუსიკალურ განწყობაზე კი ადგილობრივი შემსრულებლები იზრუნებენ.

აკვაპარკ ,,ანაკლიაში“ ჯანდაცვის მსოფლიო ორგანიზაციის ყველა რეკომენდაცია იქნება გათვალისწინებული.