- დღეიდან, ზუგდიდში დამატებით ლოკაციებზე ავტომატური ვიდეოტექნიკა ე.წ. “ჭკვიანი კამერები“ ამოქმედდა.
კამერები ამოქმედდა ორ ლოკაციაზე. კერძოდ: კოსტავასა და რუსთაველის ქუჩების კვეთაზე და გამსახურდიას გამზირზე (მოედანი).
ზუგდიდის მუნიციპალიკტეტის მერიის ინფორმაციით, დანარჩენ ლოკაციებზე განთავსებული კამერები ამოქმედდება ეტაპობრივად და დამატებით მოხდება მოქალაქეთა ინფორმირება.
“ჭკვიანი კამერები ავტომატურად აფიქსირებს ავტოსატრანსპორტო საშუალებების მფლობელთა მიერ ჩადენილი ადმინისტრაციული სამართალდარღვევის ფაქტებს, ასევე, ადმინისტრაციული სახდელის შეფარდების მიზნით მონაცემთა დამუშავებას.
ვიდეოკამერების რაოდენობის, ვიდეოკამერების განთავსების ადგილებისა და ხედვის არეალის მიზნით შინაგან საქმეთა სამინისტროს საზოგადოებრივი უსაფრთხოების მართვის ცენტრი „112“-ისა და ზუგდიდის საპატრულო პოლიციის წარმომადგენლებთან ერთად განისაზღვრა საერთაშორისო, შიდასახელმწიფოებრივი და ადგილობრივი მნიშვნელობის საავტომობილო გზებზე ვიდეო-სამეთვალყურეო სისტემის განთავსების ლოკაციები”.-აღნიშნულია მერიის ინფორმაციაში.