დასუფთავების აქცია ნატოს კვირეულის ფარგლებში


ნატოს კვირეულის ფარგლებში, დღეს, ზუგდიდში, ბოტანიკურ ბაღში, დასუფთავების აქცია გაიმართა. აქციაში სსიპ „ნატოსა და ევროკავშირის შესახებ საინფორმაციო ცენტრის“ მოხალისეები და სტუდენტები იღებდნენ მონაწილეობას. დასუფთავების აქცია სსიპ „ნატოსა და ევროკავშირის შესახებ საინფორმაციო ცენტრის“ სამეგრელოს ბიუროს ორგანიზებითა და ა.ა.ი.პ ,,ზუგდიდდასუფთავების” ცენტრის მხარდაჭერით განხორციელდა.
ნატოს კვირეული საქართველოში წელს მეცხრედ ტარდება. ღონისძიება სსიპ “ნატოსა და ევროკავშირის შესახებ საინფორმაციო ცენტრის” ორგანიზებით და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის, თავდაცვის სამინისტროს, საქართველოში ნატოს სამეკავშირეო ოფისისა და რუმინეთის საელჩოს მხარდაჭერით ხორციელდება.


ძვირფასო ზუგდიდელებო, ზუგდიდის სტუმრებო და მეგობრებო

ჩვენი ფეისბუქ გვერდი უკვე 14 000 ადამიანმა გამოიწერა. შემოგვიერთდით თქვენც, აქ იდება ყოველდღიური სიახლეები, საინტერესო და საოცარი ამბები. გელოდებით, ჩვენ თქვენი მხარდაჭერა გვჭირდება! მადლობა და შეხვედრამდე!