დასახლების საერთო კრებები და კონსულტაციები მიმდინარეობს

• “სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, დასახლების საერთო კრებები და კონსულტაციები, დღეს, რიყეში, ჭითაწყარში, ჯიხაშკარში, ფალაზონში, რუხში, ოდიშში, საჭურღულიოში, ცაიშში, ჩხოუშში, ცაცხვში, დიდინეძსა და დიხაგუძუბაში გაიმართა.

ზუგდიდის მუნიციპალიტეტის მერიის ინფორმაციით, თითოეულმა სოფელმა ინფრასტრუქტურული პროექტის განსახორციელებლად თანხა მოსახლეობის რაოდენობის გათვალისწინებით მიიღო.

მოსახლეობასთან გამართულ შეხვედრებს ზუგდიდის მერი მამუკა წოწერია და მერის მოადგილეები ბესიკ ჭეჟია და მაიზერ ნანავა ესწრებოდნენ. მიმდინარე წელს, ზუგდიდის მუნიციპალიტეტს ,,სოფლის მხარდაჭერის პროგრამის“ ფარგლებში, 950 000 ლარამდე გამოეყო.