- ზუგდიდში, ნიკოსეულ სასახლეში სამართალდამცავები რამდენიმე საათის განმავლობაში მუშაობდნენ. ერთ-ერთი ვერსიით, ნიკოსეული მუზეუმის ნაწილში ასაფეთქებელი მოწყობილობის შესახებ შეტყობინება პოლიციაში დღეს შევიდა.
მუზეუმის დირექტორი დავით ოყუჯავა “ზუგდიდელებთან” ამბობს, რომ სასახლეებში შემოწმება დასრულდა ერთი საათის წინ. “შესაბამისმა სამსახურებმა შეამოწმეს ორივე სასახლე და საგანგაშო არაფერი არ აღმოუჩენიათ. შემოწმდა ორივე სასახლე გამნაღმელების მიერ. საფრთხის შემცველი არანაირი ნივთიერება აღმოჩენილი არ არის. შემოწმება დასრულებულია. სასახლეები აგრძელებს მუშაობას სტანდარტულ რეჟიმში და ღიაა ნებისმიერი მსურველისათვის.”