- დღეს, 2 მარტს, ზუგდიდის დადიანების ისტორიულ-არქიტექტურული მუზეუმი დამთვალიერებლისთვის გაიხსნა.
მუზეუმის დირექტორმა ლილი ბერაიამ “ზუგდიდელებთან” საუბარში აღნიშნა, რომ იცავენ ჯანდაცვის სამინისტროს მიერ გაცემულ რეკომენდაციებს. “ვიხსნებით დილის 11-ის ნახევარზე და ვმუშაობთ 5 საათამდე. თუ სტუმარი მოვიდა ხუთ საათზე, ჩვენ აუცილებლად მივიღებთ. დღეს, მუზეუმში გვყავდა დამთვალიერებლები. ვფიქრობ, როცა მოიხსნება დარჩენილი რეგულაციები, უფრო მეტი ვიზიტორი გვეყოლება.”
საკოორდინაციო საბჭოს გადაწყვეტილებით, ქვეყნის მასშტაბით მუზეუმებმა და ბიბლიოთეკებმა მუშაობა პირველი მარტიდან განაახლეს.
