- დღეს, გაერთიანებული ოპოზიციის ერთ-ერთმა ლიდერმა გრიგოლ ვაშაძემ ბრიფინგი გამართა. მისი ინფორმაციით, ხელისუფლება ცდილობს, ფეიქ ნიუსებით და სიყალბით აწარმოოს საარჩევნო კამპანია.
ვაშაძემ სიცრუე უწოდა გავრცელებულ ინფორმაციას თითქოს, ოპოზიციას საკუთარი წარმომადგენლები არეულობის მოსაწყობად ჩამოჰყავს. გრიგოლ ვაშაძე ამბობს, რომ მათ დამკვირვებლებსა და მოხალისეებს აქვთ მიღებული მკაცრი დირექტივა, რომ იმოქმედონ მხოლოდ კანონის ფარგლებში.