გაიხსნა მურად ღვინჯილიას გასტრო ცენტრი ზუგდიდში

• დღეს, ზუგდიდში, გამსახურდიას #132-ში, გაიხსნა გასტრო ცენტრი. ცენტრის ხელმძღვანელმა, გასტროქირურგმა მურად ღვინჯილიამ “ზუგდიდელებს” უთხრა, რომ დღეიდან პაციენტებს რეგიონის მასშტაბით, შესაძლებლობა ექნებათ ჩაიტარონ ენდოსკოპიური (გასტრო და კოლონოსკოპია), ულტრაბგერითი (მუცლის ღრუ, გინეკოლოგია) და დოპლეროგრაფიული კვლევები.

“აღსანიშნავია, რომ გასტრო ცენტრის სივრცეში ენდოსკოპიურ, ულტრაბგერით და დოპლეროგრაფიულ კვლევებთან ერთად, შესაძლებელი იქნება პაციენტებს ჩაუტარდეთ ყველა ტიპის ლაბორატორიული კვლევა. გასტრო ცენტრში პაციენტებს მოემსახურებათ სხვადასხვა პროფილის როგორც ადგილობრივი, ასევე მოწვეული სპეციალისტები. თუ პირველი სამუშაო დღის შედეგებით ვისაუბრებთ, ცენტრს საკმაოდ დატვირთულ რეჟიმში და წარმატებით მოუწევს მუშაობა,”-გვითხრა მურად ღვინჯილიამ.