- 17-18 აგვისტოს ზუგდიდის ცენტრალურ ბიბლიოთეკაში განხორციელდა პროექტი – “ლაზური წიგნიერების დღეები“.
ზუგდიდის მუნიციპალიტეტის ბიბლიოთეკების მართვის ცენტრის ინფორმაციით, პროექტის ფარგლებში ზუგდიდს ესტუმრნენ, როგორც სარფელი ლაზები, ისე თურქეთში მოქმედი ლაზური ენისა და კულტურის სხვადასხვა ორგანიზაციის წარმომადგენლები და დამოუკიდებლად მომუშავე პირები, რომლებიც ზრუნავენ ლაზური ენის გადარჩენაზე, გამოსცემენ სამეცნიერო და მხატვრულ ლიტერატურას, ქმნიან მასმედიასა და მუსიკას.
17 აგვისტოს პროექტის ფარგლებში ზუგდიდის ცენტრალურ ბიბლიოთეკაში გაიხსნა ლაზური კუთხე, რომელსაც ჩამოსულმა სტუმრებმა გადასცეს ლაზური გამოცემები.
ლაზური კუთხის გახსნის შემდეგ გაიმართა შეხვედრა ლაზ ავტორებსა და მომღერლებთან.
საღამოს დასასრულ, მუსიკალური ნომრები შეასრულეს ლაზმა მომღერალმა ჯიჰანგირ ბილგინმა, ასევე მარიამ და ხათუნა აბაშიძეებმა.
ლაზური წიგნიერების დღეების მოდერატორი გახლდათ ფილოლოგი ნათია ფონიავა.
18 აგვისტოს სტუმრებმა დაათვალიერეს სამეგრელოს ღირშესანიშნავი ადგილები და ისტორიული ძეგლები.
